Aðalhöfundur:Linda Björk Valbjörnsdóttir.
Gögn um mælingar barna á Sauðárkróki voru rannsökuð þar sem hæð,þyngd,gripstyrkur,brjóstvídd og andrýmd voru mæld á hverju hausti og vori á árunum 1912–53.Mælingarnar voru bornar saman við samskonar mælingar sem framkvæmdar voru á jafnaldra börnum í Árskóla og í Varmahlíðarskóla 2018–19.
Aðalhöfundur: Sunna Gestsdóttir. Rannsókn á kynjamun á andlegri líðan háskólanema í heimsfaraldri og mat þeirra á andlegri og líkamlegri heilsu sinni samanborið við fyrir Covid-19.
Þröstur Þorsteinsson o.fl. Gestamálstofa um flugelda. Mengun vegna flugelda er að mestu fínt svifryk og fer langt yfir viðmiðunarmörk. Mengunin er verri en oft hefur verið talið.
Aðalhöfundur: Ægir Benediktsson. Í þessari rannsókn könnuðum við möguleg glerungseyðandi áhrif rafrettuvökva. Tannhlutar voru látnir veltast um í rafrettuvökvum í 14 daga og að því loknu var hlutfallslegt þyngdartap þeirra metið. Benda niðurstöður til þess að þessir vökvar geti valdið glerungseyðingu.
Dr. Dóra Guðrún Guðmundsdóttir, sviðstjóri lýðheilsusviðs og Sigrún Daníelsdóttir verkefnastjóri geðræktar hjá embætti landlæknis greina frá niðurstöðum á mánaðarlegum mælingum embættisins á andlegri, líkamlegri og félagslegri vellíðan í COVID-19 út frá kyni og aldri.
Aðalhöfundur: Þórdís Björg Kristjánsdóttir. Joðskortur greindist á Íslandi greindist í fyrsta sinn árið 2019, meðal barnshafandi kvenna. Gerð var megindleg forrannsókn með þversniði á tíðni og ástæðum neyslu á joðríkri fæðu undir viðmiðum. Í flestum tilvikum var engin sérstök ástæða tiltekin og því þörf á bættri fræðslu.
Ragna B. Garðarsdóttir. Íslendingar kynnu að upplifa togstreitu í flugeldamálum. Þótt rannsóknir bendi til þess að sýnileiki mengunar ætti að draga úr óumhverfisvænni hegðun, lútir flugeldanotkun öðrum lögmálum og líkist meira fíknihegðun. Augnabliksánægja er sterkari en skynsemi og þekking á afleiðingum hegðunarinnar.
Aðalhöfundur: Harpa Lind Jónsdóttir. Lýsing: Í rannsókninni voru tengsl milli athyglisbrests með/án ofvirkni og áfallastreituröskunar rannsökuð í stóru úrtaki kvenna, sem endurspegla þýði vel, með tilliti til tegundar og fjölda áfalla og ofbeldis.
Aðalhöfundur: Guðlaug Erla Vilhjálmsdóttir. Í ljósi aukinnar tíðni fæðinga hraustra kvenna á ljósmæðrastýrðum einingum var gerð kerfisbundin fræðileg samantekt á útkomu þeirra, borið saman við fæðingar á þverfræðilegum fæðingardeildum. Tíðni inngripa reyndist lægri og tíðni eðlilegra fæðinga hærri á ljósmæðrastýrðum einingum.
Aðalhöfundur: Snæfríður Guðmundsdóttir Aspelund. Posttraumatic stress disorder (PTSD) is a mental disorder that occurs in a subset of individuals exposed to traumatic events. The results of this meta-analysis indicate that individuals with co-occurring PTSD and depression are at particular risk for neurocognitive disorders.
