Erla Kolbrún Svavarsdóttir, rannsóknin metur viðhorf og færni nema í hjúkrunarfræðideild (bæði í grunnnámi-og framhaldsnámi) til fjölskyldumiðaðrar heilbrigðisþjónustu. Aðal niðurstöðurnar sýndu að færni-og viðhorf nemenda í framhaldsnámi voru marktækt hærri/jákvæðari til fjölskylduhjúkrunar samanborið við nemendur í grunnnámi.
Aðalhöfundur: Janus Guðlaugsson
Rannsóknarverkefnið náði til 12 mánaða tímabils frá því að fyrsta bylgja Covid-19 faraldurs skall á í upphafi árs 2020 og til byrjun mars 2021. Áhersla var lögð á fjarþjálfun fyrir 65+ auk rafrænna fræðsluerinda. Heilsutengdar mælingar voru framkvæmdar á sex mánaða fresti yfir tímabilið.
Margrét Einarsdóttir, félagsfræðingur, er aðalhöfundur. Munur á andlegri heilsu á tímum covid-19 eftir innflytjendastöðu var skoðaður meðal launafólks innan ASÍ og BSRB. Andleg heilsa var áberandi verri meðal innflytjenda og 34,9% þeirra við slæma andlega heilsu en 22,3% innfæddra. Atvinnuleysi gæti meðal annars skýrt muninn.
Þórdís Katrín Þorsteinsdóttir dósent og forstöðumaður Rannsóknastofu LSH og HÍ í bráðafræðum fjallar um rannsókn á komum eldra fólks á bráðamóttöku Landspítala 2019 og 2020 sem sýndi að komum fækkaði en innlagnarhlutfall á sjúkrahús í kjölfarið hækkaði, lífstílsbreytingar og notkun annarra úrræða gætu skýrt niðurstöðurnar.
Aðalhöfundur: Ingibjörg Magnúsdóttir. Markmiðið rannsóknarinnar var að leggja mat á geðræn einkenni einstaklinga sem sýkst höfðu af COVID-19 til lengri tíma ásamt því að rannsaka tengsl alvarleika veikindanna við geðræn einkenni. Fyrstu niðurstöður benda til stigmögnunar milli alvarleika COVID-19 veikinda og geðrænna einkenna.
Aðalhöfundar: Atli Valur Jóhannsson, Jón Ingi Hlynsson og Dr. Vaka Vésteinsdóttir.
Framsetning tölulegra upplýsinga getur haft áhrif á mat fólks þótt upplýsingarnar séu tölfræðilega þær sömu. Erindið fjallar um rannsókn þar sem þátttakendur mátu tölulegar upplýsingar tengdar COVID-19 í ólíkri framsetningu.
Helga Jónsdóttir
Sjá lýsingu á gestamálstofu: Gestamálstofa: Hjúkrun í COVID-19 faraldrinum
Aðalhöfundur: Marianne Elisabeth Klinke.
Sjá lýsingu á gestamálstofu: Hjúkrun í Covid
Aðalhöfundur: Brynja Ingadóttir. Í spurningakönnum sem lögð var fyrir þá sem fengu COVID-19 í fyrstu bylgju faraldursins (til 15. júní 2020) kom í ljós að öryggiskennd meðan á einangrun stóð mældist góð og heilsulæsi flestra þátttakenda var fullnægjandi. Marktæk jákvæð fylgni var á milli öryggiskenndar og heilsulæsis.
Katrín Blöndal. Greint verður frá niðurstöðum eigindlegrar rannsóknar á reynslu hjúkrunarfræðinga sem unnu á Covid-19 göngudeild Landspítala í fyrstu bylgju faraldursins af því að hjúkra fullorðnum COVID-19 smituðum sjúklingum í krefjandi aðstæðum, á staðnum og í fjarhjúkrun, þar sem samskipti fóru einungis fram gegn um síma.
